საჯარო მოხელეთა ჰაბი მხარს უჭერს საჯარო მოხელეებისა და საჯარო სამსახურში დასაქმებული პირების შესაძლებლობების განვითარებას ძლიერი, ეფექტიანი, ანგარიშვალდებული და კეთილსინდისიერი საჯარო სამსახურის ჩამოყალიბების მიზნით.
ჰაბის შეთავაზებებით სარგებლობა შესაძლებელია საჯარო მოხელეთა ქსელში გაწევრიანებით. შემოუერთდით ჩვენს ქსელს!
საჯარო მოხელეთა ქსელის წევრები სარგებლობენ ჰაბის შემდეგი პრივილეგირებული მომსახურებითა და უპირატესობებით
- სწავლებაზე ორიენტირებული მიდგომით შესაძლებლობების გაფართოება და პროფესიული განვითარება სემინარების, ტრენინგების, სამუშაო შეხვედრებისა და ვებინარების მეშვეობით
- პარტნიორული და თანამშრომლობის ქსელში ჩართულობა - კოლეგებს შორის გამოცდილების გაზიარების პრაქტიკის დანერგვით როგორც ცენტრალურ და ადგილობრივ, ასევე სფეროს წარმომადგენლებთან საერთაშორისო დონეზე
- წვდომა სასარგებლო და უახლეს საინფორმაციო მასალებზე, მათ შორის, თემატურ კვლევებზე, პრაქტიკულ სახელმძღვანელოებზე, სხვადასხვა საერთაშორისო სტრატეგიულ დოკუმენტზე, საერთაშორისო გამოცდილებების კვლევებზე და სხვა
- საჯარო მოხელეთა ინფორმირებულობის გაზრდა მათი უფლებების, დაწინაურების პროცესის, გათავისუფლების, დისციპლინური ზომების, ეთიკის კოდექსისა და სხვა საკანონდებლო პრაქტიკული საკითხების შესახებ, პოლიტიკური გავლენების, მენეჯმენტის ან კოლეგების მხრიდან უკანონო ქმედებებისგან თავდაცვის მიზნით
- საჯარო მმართველობის, საჯარო სამსახურისა და ანტიკორუფციული რეფორმების მხარდაჭერა მოხელეებისა და დაინტერესებული მხარეების ინტერესების გათვალისწინებით
